Mpikabary malagasy : Seho kanto tao Toulouse

« Nanovozako fahalalana maro mikasika ny fahaiza-mikabary, ny fahendrena malagasy sy ny kolon-tsaina malagasy amin’ny ankapobeny iny fiofanana narahiko tao amin’ny Rantsana FI.MPI.MA. teto Toulouse iny », hoy Atoa Arilaza Randriamahefasoa, iray tamin’ireo mpianatra mpikabary andiany voalohany nivoaka teto Toulouse, sady loha-laharana tamin’ny fanadinana famaranana. « Efa nikabary tamina fotoana sy lanonana samihafa ihany aho hatramin’izay, fa ny nidirako nianatra tao amin’ny FI.MPI.MA. dia nahatsapako fa hafa mihitsy ny kabary antsaina araka ny fenitra tena izy », hoy izy nanohy ny teniny.